“Pole Çudes” verilişinin Yeni il buraxılışında Azərbaycana geniş yer verilib

“Pole Çudes” verilişinin Yeni il buraxılışında Azərbaycana geniş yer verilib
  29 Dekabr 2019    Oxunub:1610
Azərbaycanın dünyanın bir çox ölkəsində tanınan ilk milli markası, “Made in Azerbaijan” yazısını üzərində şərəflə daşıyan “Azərçay” ölkəmizin təbliği və xaricdə tanıdılmasına növbəti dəfə müsbət töhfə verib.
Belə ki, artıq on illərdir MDB-nin ən məşhur televiziya layihələrindən biri olan və təxminən 300 milyonluq auditoriyaya sahib “Pole Çudes” verilişinin növbəti buraxılışında da Azərbaycana və ölkəmizin mədəniyyətinə geniş yer verilib.

Ölkəmizin tanınmış məşhur və sevilən aparıcısı Rahib Azərinin iştirak edərək qalib gəldiyi, Rusiyanın Birinci Kanalında yayımlanan verilişdə Azərbaycanın mədəniyyəti və çayçılıq ənənələri barədə geniş məlumat verilib. Leonid Yakuboviçin aparıcılığı ilə milyonlarla insanın sevgisini qazanmış layihədə qonaq olan “Natiq” ritm qrupunun iştirakı da böyük maraqla qarşılanıb.

“Azərçay”ın sponsorluğu ilə yayımlanan bu verilişdə sənətçilər “Qarabağ şikəstəsi” ifa ediblər. Sevindirici haldır ki, ölkəmizin sevilən markalarından olan “Azərçay” artıq Rusiya Federasiyasında da həm yüksək keyfiyyəti, həm də müsbət imici ilə istehlakçılarını rəğbətini qazanır.





Azvision.az


Teqlər: Azərçay  





Xəbər lenti