Müdafiə naziri Gürcüstan Parlamentinin sədri ilə görüşüb - FOTO

  21 Yanvar 2020    Oxunub : 1163
Müdafiə naziri Gürcüstan Parlamentinin sədri ilə görüşüb - FOTO
Müdafiə Nazirliyinin nümayəndə heyətinin Gürcüstana rəsmi səfəri çərçivəsində general-polkovnik Zakir Həsənovla Gürcüstan Parlamentinin sədri Arçil Talakvadze arasında görüş keçirilib.
Nazirlikdən Azvision.az -a verilən məlumata görə, Azərbaycan-Gürcüstan münasibətlərinin dostluq, qarşılıqlı etimad üzərində qurulduğunun bildirildiyi görüşdə dövlət başçılarının mütəmadi işgüzar görüşləri və səfərlərinin əlaqələrimizin daha da güclənməsinə təkan verdiyi xüsusi qeyd olunub. Tərəflər qarşılıqlı maraqlara cavab verən bu münasibətlərin regionda sülhün, sabitliyin və təhlükəsizliyin təmin edilməsinə xidmət etdiyini bildiriblər.



Görüşdə həmçinin terrorizmə və separatizmə qarşı mübarizə aparan ölkələr olaraq Azərbaycan ilə Gürcüstan arasında hərbi əməkdaşlığın inkişaf etdirilməsinin və bu məsələlərdə qarşılıqlı dəstəyin vacib olduğu bir daha vurğulanıb.



Azvision.az

Teqlər: Zakir-Həsənov   Müdafiə-Nazirliyi   Gürcüstan