Çindən 4 tələbə Azərbaycana gətirilib

  30 Yanvar 2020    Oxunub : 3109
 Çindən 4 tələbə Azərbaycana gətirilib
Ötən gün 4 azərbaycanlı tələbə Çindən ölkəyə gətirilib.

Səhiyyə Nazirliyindən Azvision.az -a verilən məlumata görə, həmin tələbələr qapalı tibb müəssisəsinə aparılıb. Tələbələrin digər insanlarla ünsiyyətdə olmaması üçün Dövlət Sərhəd Xidməti (DSX) və Gömrük Komitəsinin xüsusi ayırdığı keçiddən keçiblər:
"Tələbələrdə hər hansı bir xəstəlik əlamətləri aşkar edilməyib. Bu barədə onların valideynlərinə məlumat verilib”.

Nazirliyin məlumatında qeyd edilib ki, tələbələrin yerləşdirildiyi tibb müəssisəsində onlar üçün hər cür şərait yaradılıb. “Ümumdünya Səhiyyə Təşkilatı (ÜST) koronavirusun inkubasiya müddətini 14 gün təyin edib. Koronavirus 14 gün ərzində özünü biruzə verə bilər. Əgər 14 gün ərzində tələbələrin səhhətində hər hansı dəyişiklik olmasa, evlərinə yola salınacaqlar”.

Aytən Zəhra
Azvision.az

Teqlər: Çin   Tələbə