“Bundan sonra da Azərbaycanı bütün dünyada müdafiə edəcəyəm” - Çavuşoğlu

 “Bundan sonra da Azərbaycanı bütün dünyada müdafiə edəcəyəm” -    Çavuşoğlu
  06 Fevral 2020    Oxunub:19750
"Prezident İlham Əliyevin "Dostluq" ordenini mənə təqdim etməsi sürpriz oldu. Azərbaycan Prezidentinə bir daha təşəkkür edirəm".
Azvision.az xəbər verir ki, bunu Bakıda səfərdə olan Türkiyənin Xarici İşlər naziri Mövlüd Çavuşoğlu deyib.

"Prezident İlham Əliyev iki ölkənin münasibətlərinə verdiyim töhfələrə görə, bu ordeni mənə təqdim etdi. Hər iki ölkə bir-birini müdafiə edir. Azərbaycan bizim olmadığımız yerlərdə Türkiyənin haqqını bizim qədər müdafiə edir. Siyasi fəaliyyətimdə bundan sonra da ömrüm boyu qardaş Azərbaycanın haqq işini bütün dünyada müdafiə edəcəyəm", - deyə Çavuşoğlu bildirib.

Qeyd edək ki, ötən gün Azərbaycan Prezidenti İlham Əliyevin sərəncamı ilə Türkiyənin Xarici İşlər naziri Mövlüd Çavuşoğlu "Dostluq" ordeni ilə təltif edilib.

Pərvanə Sultanova
Azvision.az


Teqlər: Türkiyə   XİN   Çavuşoğlu  





Xəbər lenti