"Azərkosmos" Yaponiya şirkətilə əməkdaşlıq edəcək

  07 Fevral 2020    Oxunub : 1198
"Azərkosmos" Yaponiya şirkətilə əməkdaşlıq edəcək
"Azərkosmos" ASC və Yaponiyanın Yerüstü idarəetmə seqmenti üzrə xidmət təminatçısı olan "Infostellar” şirkəti arasında əməkdaşlıq müqaviləsi imzalanıb.
ASC-dən Azvision.az -a verilən məlumata görə, müqaviləyə əsasən "Azərkosmos"un Əsas Yerüstü Peyk İdarəetmə Mərkəzində yerləşən Universal Yerüstü Stansiya sayəsində “Infostellar” şirkəti öz müştərilərinə yüksək, çox yüksək ayırdetməli və radar peyk təsvirlərinə daha asan çıxış imkanları təqdim edəcək.

"Azərkosmos"un Universal Yerüstü Stansiyası Avropa və Asiya qitələri arasında ideal bir məkanda yerləşir. Universal Yerüstü Stansiya real vaxt müddətində digər aşağıorbitli peyklərin siqnalını qəbul edir və ötürür.

5,5 metrlik S/X diapozonlu antena sisteminə və şəbəkə infrastrukturuna malik olan yerüstü stansiya daha yığcamdır və digər aşağıorbitli peyklərin informasiyasını asanlıqla qəbul etmək imkanına malikdir. Stansiya özünün sistem imkanları baxımından müştərilərin texniki tələblərinə uyğun olaraq daha çevik xidmət göstərir.

Azvision.az

Teqlər: Azərkosmos