Çindən gələn 12 nəfər xüsusi ayrılmış tibb müəssisəsində saxlanılır - RƏSMİ
Səhiyyə Nazirliyinin mətbuat xidmətindən Azvision.az-a bildirilib ki, Kliniki Tibbi Mərkəzin məlumatına əsasən, fevralın 11-i üçün yoluxucu xəstəliklər şöbəsində 1 nəfər qalıb. Xəstəxanada qalan Azərbaycan vətəndaşıdır. Onun səhhətində ciddi problem yoxdur. Həkim müşahidələri davam edir:
"Xəstəlik alovlanan ərazidən gələn 12 nəfər isə xüsusi ayrılmış tibb müəssisəsində saxlanılır. Həmin tibb müəssisəsindən Səhiyyə Nazirliyinə verilən məlumata görə, Çinin Uhan şəhərindən yanvarın 29-u çıxan 6 nəfərin karantin müddəti fevralın 12-si bitir. Onların klinik vəziyyətlərində heç bir problem aşkarlanmayıb. Həkim müşahidələri davam edir. Sabah həmin şəxslərin evə buraxılacağı gözlənilir. Xüsusi ayrılmış tibb müəssisəsində saxlanılan digər 6 nəfərin karantin müddəti fevralın 14-ü bitir, onların səhhətində də hər hansı bir problem aşkarlanmayıb. Karantin müddətinin sonunda onlar da evlərinə buraxılacaqlar", - deyə məlumatda bildirilib.
Azvision.az
Teqlər: Çin Koronavirus