Yüksək dağlıq ərazilərdə qarölçmə işləri aparılır

  27 Fevral 2020    Oxunub : 875
Yüksək dağlıq ərazilərdə qarölçmə işləri aparılır
Ölkə ərazisində qar-su ehtiyatlarının müəyyənləşdirilməsi, su resurslarının qiymətləndirilməsi məqsədilə Ekologiya və Təbii Sərvətlər Nazirliyinin Milli Hidrometeorologiya Departamentinin mütəxəssisləri tərəfindən Böyük və Kiçik Qafqazın yüksək dağlıq ərazilərində qarölçmə işlərinin aparılmasına başlanılıb.
Nazirliyin mətbuat xidmətindən Azvision.az -a verilən məlumata görə, ekspedisiya üzvləri tərəfindən qarölçmə işləri Balakən-Zaqatala, Qax-Şəki, Oğuz-Qəbələ, Quba-Qusar, Daşkəsən-Gədəbəy-Göygöl istiqamətlərində 23 marşrut üzrə 4 qrup tərəfindən həyata keçirilir, qar örtüyünün hündürlüyü, çəkisi, sıxlığı və sululuğu müəyyən olunur.



Qeyd edək ki, qar suları yaz-yay gursululuq dövründə respublikanın əksər çaylarının həm səth, həm də yeraltı qida mənbələrini formalaşdırır. Buna görə respublikanın Şəmkir, Mingəçevir, Araz və s. su anbarlarında gözlənilən sululuğa uyğun tənzimləmə işlərinin aparılması üçün gursululuq axımı proqnozu tərtib edilir. Həmin proqnozlar müvafiq təşkilatlar tərəfindən sudan istifadənin düzgün planlaşdırılması məqsədilə digər çaylar üçün də tərtib edilir.



Azvision.az

Teqlər: ETSN   Qar   Dağ