ÜST: Ermənistan koronavirusun öhdəsindən gələ bilməyəcək

 ÜST:  Ermənistan koronavirusun öhdəsindən gələ bilməyəcək
  13 Mart 2020    Oxunub:2436
Ümümdünya Səhiyyə Təşkilatının (ÜST) nümayəndələri Ermənistanın koronavirusun öhdəsindən gələ bilməyəcəyi qənaətindədir.

Azvision.az xəbər verir ki, bu barədə “Qraparak” nəşri yazıb. Nəşrin məlumatına görə, ÜST-in nümayəndələri artıq bir neçə gündür ki, Ermənistandadır, onlar böyük xəstəxanaların koronavirusa tab gətirməyə hazır olub-olmadığı ilə bağlı monitorinq aparırlar.
Xəstəxanalardan birinin məsul şəxsi onların hansı nəticəyə gəldiklərini açıqlayıb: "ÜST hesab edir ki, xəstələrin artacağı təqdirdə Ermənistan virusun öhdəsindən gələ bilməyəcək və ÜST-nin köməyi olmadan müqavimət göstərmək imkanına malik deyil”.

Xəstəxananın nümayəndəsi əlavə edib ki, çarpayıların sayında, dərmanların həcmində də problem var.

“Axı, əgər epidemiya başlasa, 24 yoluxma hadisəsi yox, 100-200-dən çox hal olacaq. Qərar verdik ki, xəstəxanalar təcili rejimdə - müharibə illərində olduğu kimi işləsinlər. Yenidən qeydiyyata başlayırıq, planlaşdırılan xəstələri qəbul etməyəcəyik, yalnız koronavirusla məşğul olacağıq”.

Pərvanə Sultanova
Azvision.az


Teqlər: ÜST   Ermənistan  





Xəbər lenti