“Azneft” profilaktik tədbirləri gücləndirib
SOCAR prezidenti Rövnəq Abdullayevin müvafiq əmrinin bəndlərindən irəli gələn tapşırıqların yerinə yetirilməsi təmin edilir. İnzibati binaların girişlərində dezinfeksiya tədbirlərinin görülməsi üçün xüsusi vasitələr quraşdırılır, işçilər xüsusi yoxlamadan keçirilir.
İşçilərin bir yerdə toplanmasının qarşısının alınması məqsədilə iclaslar, müşavirələr məhdudlaşdırılıb. İşçilər və onlarla birgə yaşayan ailə üzvlərində qrip, soyuqdəymə, halsızlıq və digər bu kimi koronavirus xəstəliyinə oxşar olan hallar olduqda, onların sosial izoliyasiyası təmin edilir. Vətəndaşların fiziki qəbulları təxirə salınıb, müraciətlər yalnız elektron və telefon rabitəsi vasitəsilə həyata keçirilir.
Bu günlərdə Nazirlər Kabineti yanında Operativ Qərargahın yaydığı məlumata əsasən, koronavirus xəstəliyinin yayılmasının qarşısının alınması üzrə Azərbaycan hökuməti tərəfindən aparılan profilaktik tədbirlərlə əlaqədar bir sıra strukturlarda Novruz bayramındakı qeyri-iş günlərində adi iş rejimi tətbiq ediləcək. Bu strukturlar sırasında SOCAR da var. Bununla əlaqədar olaraq SOCAR prezidentinin müvafiq əmrinə əsasən, “Azneft” İstehsalat Birliyində əvvəlcədən tərtib edilmiş qrafik əsasında işçilərin qeyri-iş günlərində tam iş günü ərzində işlərə cəlb ediləcəklər.
“Azneft” bir daha qeyd edir ki, “Azneft”də koronavirus infeksiyasının yayılmasının qarşısının alınması üçün zəruri olan bütün addımlar atılır, profilaktik tədbirlər daha da gücləndirilir.
Azvision.az
Teqlər: Azneft