Tikinti sektoru üzrə yeni mexanizm yaradılır

  04 Aprel 2020    Oxunub : 2198
Tikinti sektoru üzrə yeni mexanizm yaradılır
Tikinti sektorunda strateji layihələrin işlənməsi və həyata keçirilməsinin yeni mexanimzinin yaradılması məqsədilə şəhərlərin və regionların inkişafının sürətləndirilməsi üçün Azərbaycan İnşaat Korporasiyasının yaradılması nəzərdə tutulub.
Azvision.az -ın məlumatına görə, bu, Nazirlər Kabinetinin təsdiq etdiyi, "Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların iqtisadiyyata, makroiqtisadi sabitliyə, məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında" ölkə prezidentinin 19 mart 2020-ci il 19 mart tarixli sərəncamının icrası ilə bağlı Tədbirlər Planında öz əksini tapıb.

Sənəddə deyilir ki, həmin məsələnin reallaşdırılıması və korporasiya tərəfindən aşağıdakı fəaliyyətin həyata keçirilməsinə dair təkliflər hazırlanmalıdır:

- strateji layihələr portfelinin uzunmüddətli idarə olunması, yeni layihələrin işlənməsi;
- bu layihələrin maliyyələşməsinə investorların cəlb edilməsi;

- dövlət tərəfindən yeni tikinti layihələri üçün yerlərin ayrılması və zəruri infrastrukturun yaradılması;

- multi-funksional tikintini təmin edən pilot layihənin həyata keçirilməsi.

Azvision.az

Teqlər: Tikinti   Sektor