İşdən çıxarıldığı deyilən fəhlə ilə bağlı nazirlikdən açıqlama

  10 Aprel 2020    Oxunub : 1879
İşdən çıxarıldığı deyilən fəhlə ilə bağlı nazirlikdən açıqlama
Əmək və Əhalinin Sosial Müdafiəsi Nazirliyi (ƏƏSMN) Taleh Bəşirov adlı şəxsin işdən azad edilməsi ilə bağlı sosial şəbəkələrdə yayılan məlumatlara aydınlıq gətirib.
Azvision.az -ın məlumatına görə, nazirliyin İctimaiyyətlə əlaqələr və kommunikasiya şöbəsinin müdiri Fazil Talıbov bildirib ki, fəhlənin işdən azad edilməsi ilə bağlı sosial şəbəkələrdə dünən paylaşılan məlumatlar əsassızdır:

"Taleh Bəşirovun işdən çıxarılması ilə bağlı məlumat yayılandan sonra bu gün səhər Nazirlikdən onu işə götürən tikinti şirkəti ilə (“Maximus” MMC) əlaqə saxlanılıb. Talehin heç bir halda işdən çıxarılmaması tövsiyə edilib. Hazırda Talehin əmək müqaviləsi (250 AZN maaşla) qüvvədədir. Bu gün səhər Nazirlikdən Talehlə də əlaqə saxlanılıb və narazılığının səbəbi soruşulub".

F.Talıbovun sözlərinə sözö, əlilliyi olan şəxs kimi pensiya alan Taleh Bəşirov Nazirliklə bağlı probleminin və narazılığının olmadığını, mütəmadi olaraq reabilitasiya vasitələri ilə təmin olunduğunu (son dövrdə 19 dəfə) deyib. Videoda dediklərini də hansısa məlumatı yanlış anladığından əsəbləşərək söylədiyini və bundan təəssüfləndiyini bildirib.

Azvision.az

Teqlər: ƏƏSMN