TƏBİB: Koronaviruslu xəstələrin plazma müalicəsinə başlanılıb

  08 May 2020    Oxunub : 3230
 TƏBİB: Koronaviruslu xəstələrin plazma müalicəsinə başlanılıb
Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında “Covid-19 virus infeksiyası ilə bağlı preventiv tədbirlərin və yeniliklərin öyrənilməsi ilə bağlı Tibbi-Elmi Komitə”nin iclası keçirilib.
Qurumdan Azvision.az -a verilən məlumata görə, iclası giriş sözü ilə açan TƏBİB-in İdarə heyətinin sədri Ramin Bayramlı Azərbaycanda koronavirus pandemiyası ilə mübarizə çərçivsində ölkə rəhbərliyinin birbaşa nəzarəti ilə bir çox mühüm tədbirlər həyata keçirildiyini vurğulayıb.

Bildirilib ki, artıq ölkədə ağır koronavirus xəstələrinin müalicəsi üçün “İmmun Plazma müalicəsi” metodunun tətbiq edilməsinə başlanılıb.

İclasda, Koronavirus (COVID-19) infeksiyasının profilaktikası, diaqnostikası və müalicəsindəki elmi yeniliklər və ölkəmizdə tətbiqi ilə bağlı aparılan tibbi-elmi tədbirlərlə əlaqədar müxtəlif səpkili məsələlər müzakirə edilib.

Qeyd edək ki, Komitə TƏBİB-in İdarə Heyəti sədrinin müvafiq Əmri ilə Covid-19 virus infeksiyası ilə bağlı preventiv tədbirlərin və yeniliklərin öyrənilməsi məqsədilə yaradılıb.

Azvision.az

Teqlər: TƏBİB   İclas