Elmar Məmmədyarov Lavrovla Qarabağı müzakirə edib

 Elmar Məmmədyarov Lavrovla Qarabağı müzakirə edib
  09 May 2020    Oxunub:4813
Azərbaycanın Xarici İşlər naziri Elmar Məmmədyarovla Rusiyanın Xarici İşlər naziri Sergey Lavrov arasında telefon danışığı olub.
Xarici İşlər Nazirliyinin Mətbuat xidməti idarəsindən Azvision.az -a verilən məlumata görə, telefon danışığı zamanı nazir E.Məmmədyarov rusiyalı həmkarını 9 May - Böyük Vətən müharibəsi Qələbəsinin 75 illiyi münasibətilə təbrik edib.

S.Lavrov da bu əlamətdar gün münasibətilə təbriklərini Azərbaycanın Xarici İşlər nazirinə çatdırıb.

Tərəflər mövcud qlobal pandemiya ilə mübarizə çərçivəsində ölkələr tərəfindən həyata keçirilən tədbirlər və əməkdaşlıq məsələlərini, eləcə də ikitərəfli münasibətlər gündəliyinə daxil olan məsələləri müzakirə ediblər.

Nazirlər, həmçinin Ermənistan-Azərbaycan Dağlıq Qarabağ münaqişəsinin tənzimlənməsi məsələsi üzrə fikir mübadiləsi aparıblar.

Azvision.az


Teqlər: XİN   Məmmədyarov  





Xəbər lenti