DOST Agentliyi: 1 ildə 100 min vətəndaşa 132 növ xidmət təqdim edilib
DOST layihəsi üzrə bu 1 ildə 100 min vətəndaşa əmək, məşğulluq, sosial müdafiə və sosial təminat, əlillik, reabilitasiya sahələri üzrə 132 növdə xidmət “bir pəncərə”dən, tam şəffaf şəraitdə təqdim edildi. 96 faiz vətəndaş məmnunluğuna nail olundu. 330 mindən çox vətəndaş zəngi cavablandırıldı.
“Könüllü DOST” proqramı isə ölkəmizdə könüllülük hərəkatının genişlənməsində mühüm rol oynayır və könüllü DOSTların sayı artıq 300-ə çatıb.
DOST mərkəzləri şəbəkəsi getdikcə genişlənir. 2019-cu ilin dekabr ayında Bakının Xəzər rayonunda 2 saylı Bakı DOST mərkəzi (Xəzər, Pirallahı) açılıb.
Yaxın günlərdə isə paytaxın Nizami rayonunda 3 saylı DOST mərkəzi açılacaq. Bu il həmçinin Binəqədi, Abşeron, Quba və Bərdə rayonlarında, Sumqayıt şəhərində DOST mərkəzlərinin təmir-tikinti işlərinə başlanılmaqla, bu işlərin sürətlə aparılaraq yekunlaşdırılması nəzərdə tutulub.
Azvision.az
Teqlər: ƏƏSMN DOST Agentlik Xidmət