64 işçisi koronavirusa yoluxan “Bakı Tikiş Evi” fəaliyyətini dayandırdı

64 işçisi koronavirusa yoluxan “Bakı Tikiş Evi” fəaliyyətini dayandırdı
  16 May 2020    Oxunub:7658
“Bakı Tikiş Evi” (BTE) hazırda işləmir və nə zaman açılacağı barədə məlumatlı deyiləm.
Bu barədə Azvision.az -a açıqlamasında BTE-nin satış şöbəsinin müdiri Etibar Əzimov deyib.

BTE rəsmisi 64 işçinin koronavirusa yoluxmasına aydınlıq gətirərək bildirib: “Bir nəfər həkim koronavirusa yoluxub, həmin həkim bizim işçimiz olan anasını yoluxdurub və beləliklə işçilər arasında yoluxma baş verib. Koronavirusa yoluxan işçilərimiz karantinə yerləşdirilib və tezliklə hamısı evə buraxılacaq. Hazırda fabrik işləmir”.

Qeyd edək ki, Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı "Bakı Tikiş Evi"ndə 64 nəfərin, "Baku Steel Company"də isə 48 nəfərin koronavirusa yoluxduğunu bildirib.

Aytən Zəhra
Azvision.az


Teqlər: BTE   Koronavirus  





Xəbər lenti