Komitə sədri: “Bu, xəyanətdan başqa şey deyil”

  20 May 2020    Oxunub : 3285
 Komitə sədri: “Bu, xəyanətdan başqa şey deyil”
Azərbaycanda fəaliyyət göstərən bütün siyasi partiyalar ölkənin milli maraqlarına və konstitusiyaya uyğun hərəkət etməlidir.
Azvision.az xəbər verir ki, bunu Yeni Azərbaycan Partiyasının (YAP) icra katibinin müavini, Dini Qurumlarla İş üzrə Dövlət Komitəsinin sədri Mübariz Qurbanlı “Yeni TV”yə bildirib.

Onun sözlərinə görə, radikal qruplar özlərini siyasi partiya kimi göstərməyə çalışırlar: “Radikal qruplar öz maraqlarını xaricdəki qüvvələri gətirməklə həll etməyə çalışırlar. Biz evimizin problemlərini çözmək üçün kənardan hansısa qüvvəyə istinad edib, öz marağımıza nail olmağa çalışırıqsa, milli maraqları tapdamışıq oluruq. Bu, xəyanətdan başqa şey deyil. Bu gün Azərbaycanda "5-ci kolon" dediyimiz radikal qruplar xarici qüvvələrlə birlikdə bizə zidd olan dairələrin Azərbaycanın milli maraqları əleyhinə təbliğat aparırsa, bu adamlar qəbul edilə bilməz. Ona görə də xalq tərəfindən qəbul edilmilər”.

M.Qurbanlı bildirib ki, dövlət və milli maraqları öndə olan ölkəni heç nə silkələyə bilməz.
"Bunun üçün hansısa təhsil almağa, institut bitirməyə ehtiyac yoxdur. Dövlət marağı birinci olan ölkəyə heç kim kənardan təsir göstərə bilməz".

Aytən Zəhra
Azvision.az

Teqlər: Komitə   YAP   Radikal