Daxili İşlər Nazirliyinin mətbuat xidmətinin Şəki regional qrupundan
Azvision.az -a verilən məlumata görə, Balakən Rayon Polis Şöbəsi əməkdaşlarının keçirdikləri əməliyyat–axtarış tədbirləri nəticəsində rayon sakini 28 yaşlı Röyal Yetərov saxlanılıb. Onun Mahamalar kəndində kirayədə yaşadığı evə baxış keçirilən zaman su hovuzunun içərisində xüsusi aqrotexniki qaydada qulluq göstərməklə yetişdirdiyi 33 çətənə bitkisi aşkar edilərək maddi sübut kimi götürülüb.
Zaqatala Rayon Polis Şöbəsi əməkdaşlarının keçirdikləri əməliyyat tədbiri nəticəsində rayonun Muxax kənd sakini Rafael Laçınovun yaşadığı evin həyətyanı sahəsinə baxış keçirilən zaman kultivasiya yolu ilə yetişdirilən 9 ədəd çətənə kolu aşkar edilib. R.Laçınov şübhəli şəxs qismində saxlanılıb.
Faktlarla bağlı Rayon Polis Şöbələrində araşdırmalar aparılır.
Azvision.az