Azərbaycanlı Rusiyada yanan maşından gənci xilas etdi - VİDEO
Zərbənin gücündən "BMW" dirəyə çırpılıb, taksi isə yanmağa başlayıb. 56 yaşlı azərbaycanlı Elxan Əzizov özünü təhlükəyə ataraq, yanan avtomobildən sürücünü çıxarıb.
E. Əzizov ikinci qrup əlildir və ürək çatışmazlığından əziyyət çəkir. O, buna baxmayaraq, 25 yaşlı Krasnodar sakini ölümdən xilas etmək üçün bir an belə tərəddüd etməyib.
“Sərnişlər üçün nəzərdə tutulmuş tərəfdən qapını açdım. Baxıram, sürücü oturacağa tərəf uzanıb. Onu maşından çıxardım. Sonra ən yaxın səkiyə apardım. Yəqin ki, hər bir insan bunu edərdi. O anda özümü unutdum. Avtomobildə canlı insanın yandığına necə baxa bilərsən? Sonra özümü bağışlamazdım", - deyə E.Əzizov Krasnodar telekanalına müsahibəsində deyib.
O, əlavə edib ki, hadisə yerinə gələn insanlar kömək etmək əvəzinə, baş verənləri telefonla çəkiblər.
Həkimlər hadisə yerinə gəliblər və E. Əzizov ərazini tərk edib. Bir müddət sonra onda güclü öskürək başlayıb. E.Əzizov həyat yoldaşına zəng edərək təcili yardım çağırmasını istəyib. Həkimlər onu xəstəxanaya aparıb, reanimasiyaya yerləşdiriblər.
Müalicə alan azərbaycanlı xəstəxanadan evə buraxılıb, hazırda vəziyyəti yaxşıdır.
Pərvanə Sultanova
Azvision.az
Teqlər: Krasnodar