ÜST karantinin sərtləşdirilməsinə dair təkliflər verə bilər

  25 İyun 2020    Oxunub : 2193
ÜST karantinin sərtləşdirilməsinə dair təkliflər verə bilər
Koronavirusun başladığı ilk dövrlərdə yayılmanı Avropa daha çox gördük. Lakin indi Avropa ölkələrində azalma, dünyanın digər yerlərində artım müşahidə edilir.
Azvision.az xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı Nazirlər Kabineti yanında Operativ Qərargahın brifinqində deyib.

Onun sözlərinə görə, ictimai səhiyyə tədbirlərini azaldan ölkələrdə də artım qeydə alınır.

“Hazırda bizə qonşu ölkələrdə aşağı-yuxarı sabitləşmə halı müşahidə edilir. Son 14 gündə ən yüksək artım Azərbaycanda müşahidə olunub”.

H.Harmancı bildirib ki, ölkələrdə yoluxma hallarında ciddi artım olarsa, o zaman karantin rejiminin sərtləşdirilməsi istiqamətində ÜST tərəfindən təkliflər verilə bilər.

“Əlimizdə başqa silah yoxdur. Hökumətlər insanların sağlamlığını qorumaq üçün əlindən gələni etməlidir. Lakin insanlar da bunun məsuliyyətini başa düşməlidir”.

Aytən Zəhra
Azvision.az

Teqlər: Koronavirus