Müdafiə Nazirliyi İranla bağlı xəbəri yalanladı

  06 İyul 2020    Oxunub : 4424
 Müdafiə Nazirliyi İranla bağlı xəbəri yalanladı
Ermənipərəst qüvvələrin yaydığı bu xəbərin heç bir əsası yoxdur və yalandır. Bu cür məlumatın yayılması Azərbaycan-İran münasibətlərinə xələl gətirmək məqsədini güdür.
Azvision.az xəbər verir ki, bunu İrana hava zərbələri endirdiyi iddia edilən və Rusiyanın “Konteyner” RLS-i tərəfindən aşkar edilən naməlum hərbi təyyarələrin Azərbaycanın hava məkanından istifadə etmələri barədə sorğuya cavab olaraq Müdafiə Nazirliyindən bildiriblər.

"Tamamilə aydındır ki, iki ölkə arasında xoş münasibətlərə zərər vurmaq məqsədilə yayılmış məlumat şər və böhtandan başqa bir şey deyil. Bildiririk ki, Azərbaycan ərazisindən qonşu ölkə olan İran İslam Respublikasına qarşı indiyədək heç bir addım atılmayıb və bundan sonra da atılmayacaq", - deyə məlumatda qeyd olunub.

Azvision.az

Teqlər: Müdafiə-Nazirliyi