Britaniya Bakı və İrəvanı dialoqa çağırdı

  15 İyul 2020    Oxunub : 2761
   Britaniya Bakı və İrəvanı dialoqa çağırdı
Birləşmiş Krallıq Ermənistan və Azərbaycan arasındakı beynəlxalq sərhəddə son vaxtlar atəşkəs rejiminin pozulmasından çox narahatdır və insan həyatının itirilməsinə çox təəssüflənir.
Azvision.az xəbər verir ki, bu barədə Böyük Britaniyanın Azərbaycandakı səfirliyinin "Facebook" səhifəsində məlumat paylaşılıb.

Qeyd olunub ki, Britaniya hər iki tərəfi atəşkəs rejiminə hörmət etməyə və vəziyyətin gərginləşməsi və daha çox itki verməməsi üçün dialoqa çağırır:

“Hər iki tərəfi təmkinli olmağa və gərginliyi daha da artıra biləcək ritorikadan çəkinməyə çağırırıq. ATƏT-in Minsk Qrupu həmsədrlərinin Dağlıq Qarabağ münaqişəsinin sülh yolu ilə həllinə yönəlmiş danışıqlar prosesinə dəstəyimizi bir daha bildiririk. Davam edən zorakılıq regional sabitliyə və rifaha təhdid olmaqla tərəflər arasında rəsmi danışıqların yenidən başlamasının nə qədər əhəmiyyətli olmasını göstərir".

Azvision.az

Teqlər: Britaniya   Səfirlik