Azvision.az xəbər verir ki, onlar bir sıra tələblər irəli sürüb, daha sonra baş nazir Nikol Paşinyana ünvanladıqları bəyanatı səsləndiriblər.

Etirazçılar bildiriblər ki, hələ iki ay əvvəl Ermənistan hökumətinə 120 nəfərin imzası ilə məktub təqdim ediblər. Ancaq heç bir cavab verilməyib, iyulun 22-də isə mediada açıq məktubları dərc olunub.

"Sizin susqunluğunuz belə təəssürat yaradır ki, Amulsarın və ona bitişik yaşayış məntəqələrinin Ermənistan Respublikası ərazisində olduğunu unutmusunuz və qaldırılan məsələləri xarici dövlətin və ya əcnəbi xalqın daxili məsələsi hesab edirsiniz. Xatırladırıq ki, biz Ermənistan Respublikasının tamhüquqlu vətəndaşlarıyıq", - deyə aksiya iştirakçıları Paşinyana müraciət ediblər.

Qeyd olunub ki, hökumətin problemləri ədalətli və qanuni yolla həll etmək istəyini hiss etmirlər:

"Üstəlik Nazirlər Kabinetinin iqtisadi və sosial maraqları üçün bizi qurban verdiyindən şübhələnirik. Tələblərimiz dəyişməyib: Amulsar ətrafında yaşayan insanların layiqli işlə təmin olunmasını, Amulsar məsələsinin siyasi spekulyasiyadan uzaq olmasını tələb edirik".

Layihənin operatoru olan Böyük Britaniyanın "Lidian Ermənistan" şirkəti indiyədək Ermənistanda sosial layihələrin icrasına 3 milyon dollardan çox vəsait xərcləyib, həmçinin təbiətin mühafizəsi məqsədilə qoruq yaradacağını vəd edib.

Xatırladaq ki, daha əvvəl ekofəallar, Cermux sakinləri “Amulsar” qızıl mədəninin istismarının ekoloji təhlükə yaratdığını bəyan ediblər və onun istismarının dərhal dayandırılması məqsədilə aksiyalar keçiriblər. Paşinyan isə gəlir əldə etmək məqsədilə bu mədənin heç bir ekoloji təhlükə yaratmadığını bildirib.

“Amulsar” qızıl yatağı Ermənistanın təmiz qızıl ehtiyatına görə ikinci yatağıdır. Ekoloqların fikrincə, Arpa və Vorotan çayları arasında, Cermux kurort şəhərinin 13 kilometrliyində yerləşən yatağın istismarı zamanı Cermux yatağı yaxınlığında olan yeraltı sular, daha sonra isə əsas su mənbəyi olan Sevan gölü (Göyçə gölü) həyat üçün təhlükəli olan maddələrlə çirklənəcək və bu, həlli mümkün olmayan fəlakətə səbəb ola bilər. Məhz bu səbəbdən ekspert rəyi alınana qədər “Amulsar” qızıl mədənində işlər dayandırılıb.

Pərvanə Sultanova
Azvision.az