"Vəziyyətin daha da çətinləşəcəyi ehtimalı var" - Merkel

  28 Avqust 2020    Oxunub : 2334
"Vəziyyətin daha da çətinləşəcəyi ehtimalı var" -  Merkel
Almaniya kansleri Angela Merkel dünyada koronavirus pandemiyası ilə əlaqəli vəziyyətin yaxın aylarda daha da pisləşəcəyini söyləyib.
Azvision.az xəbər verir ki, bu barədə “Reuters” məlumat yayıb.

Merkel hesab edir ki, yaxın bir neçə ayda vəziyyətin yayda olduğundan daha da çətinləşəcəyi ehtimalı var.

Almaniya kanslerinin sözlərinə görə, hökumət uşaqları pandemiyadan qorumaq və koronavirus böhranı zamanı iş yerlərini saxlamaq üçün hər şeyi edəcək.

"Uşaqlarımızın pandemiyadan zərər çəkməməsi üçün nə lazımdırsa, edəcəyik.
Məktəb və uşaq bağçası prioritet olmalıdır “.

O əlavə edib ki, Almaniyada digər Avropa ölkələri ilə müqayisədə COVID-19-un başlanğıcında onun yayılmasının qarşısını ala bilib. Ancaq iyul ayının əvvəlindən bəri infeksiyaların sayı artmağa başlayıb və son həftələrdə daha da artıb.

"Payızda və qışda vəziyyət daha da çətinləşəcək. Virusla yaşamağa davam etməliyik".

Merkel, həmçinin Avropa Komissiyasının əczaçılıq şirkətləri ilə COVID-19 əleyhinə peyvəndlərin təmin edilməsi üçün yeni müqavilələr imzalamaq üçün çalışdıqlarını söyləyib.

Pərvanə Sultanova
Azvision.az

Teqlər: COVID-19   Almaniya   Merkel