Ceyranbatanda axund və 28 nəfər cərimələndi - FOTO

  30 Avqust 2020    Oxunub : 3053
Ceyranbatanda axund və 28 nəfər cərimələndi -  FOTO
Ceyranbatanda Aşura mərasimi keçirmək istəyənlər cərimələnib.
DİN-in Mətbuat Xidmətindən Azvision.az -a verilən məlumata görə, avqustun 30-da Abşeron rayonu Ceyranbatan qəsəbəsi ərazisində bir qrup şəxsin “Aşura” mərasiminin keçirilməsi ilə əlaqədar məscidin qarşısına toplaşdıqları müəyyən olunub. Ümumilikdə 29 nəfər, həmçinin Ceyranbatan məscidinin axundu Kazım Əyyubov ərazidə xidmət aparan polis əməkdaşları tərəfindən saxlanılaraq Polis İdarəsinə gətirilib.

Polis Bölməsində onlarla izahedici söhbətlər aparılıb. Xüsusi karantin rejimi qaydalarını pozaraq sosial məsafəni gözləmədiklərinə görə 29 nəfər barəsində inzibati protokollar tərtib olunaraq hər biri cərimə olunub.

Qeyd edək ki, saxlanılan şəxslər arasında mülki öhdəliklərini yerinə yetirmədiyi üçün axtarışda olan Abşeron rayon sakini Novruz Aslanov da olub.

Azvision.az

Teqlər: DİN   Ceyranbatan