"Qarabağ"ın növbəti rəqibi bəlli oldu

  31 Avqust 2020    Oxunub : 3857
   "Qarabağ"ın növbəti rəqibi bəlli oldu
Azərbaycan çempionu “Qarabağ”ın Çempionlar Liqasının III təsnifat mərhələsində qarşılaşacağı komanda İsveçrənin Nyon şəhərindəki püşkatmada bəlli olub.
Azvision.az xəbər verir ki, Qurban Qurbanovun yetirmələri bu dəfə “Molde” (Norveç) ilə üz-üzə gələcək. Bu mərhələnin matçları sentyabrın 15-16-da keçiriləcək. Ölkə çempionu matçını evdə keçirəcək.

Bundan başqa, digər cütlərin tərkibi də müəyyənləşib.

“Ferentsvaroş” (Macarıstan) - “Dinamo” (Zaqreb, Xorvatiya)
“Omoniya” (Kipr) - “Srvena Zvezda” (Serbiya)
“Midtüllann” (Danimarka) - “Yanq Boyz” (İsveçrə)
“Makkabi” (Təl-Əviv, İsrail) - “Dinamo” (Brest, Belarus)
PAOK (Yunanıstan) - “Benfika” (Portuqaliya)
“Dinamo” (Kiyev, Ukrayna) - AZ (Alkmaar, Niderland)
“Gent” (Belçika) - “Rapid” (Vyana, Avstriya)

Azvision.az

Teqlər: Qarabağ