Azərbaycanda BMT-nin ekoloji kampaniyası dəstəkləndi

Azərbaycanda BMT-nin ekoloji kampaniyası dəstəkləndi
  08 Sentyabr 2020    Oxunub:2780
Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC Birləşmiş Millətlər Təşkilatının təşəbbüsü ilə dünyanın bir çox ölkələri tərəfindən birgə buraxılış kimi hazırlanmış “ACT NOW” (İndi hərəkətə keç) mövzusunda poçt markalarını dövriyyəyə buraxıb.
Azvision.az nazirliyə istinadən xəbər verir ki, “İndi hərəkətə keç” kampaniyası 2018-ci ilin dekabr ayında BMT-nin iqlim dəyişikliyinə həsr olunan konfransında Devid Attenboro tərəfindən başladılıb. Kampaniya insanları gün ərzində 10 sadə qaydaya əməl etməklə dünyadakı iqlim böhranının qarşısının alınmasında iştiraka ruhlandırmaq məqsədi daşıyır. Buraya sağlam qida, suya qənaət, avtomobilsiz həyat tərzi, tullantıların təkrar emalı və s. daxildir.

Ümumilikdə 10 markadan ibarət kiçik vərəq şəklində hazırlanmış buraxılış Belarus Respublikasının Bobruysk şəhərində 10 000 vərəq tirajla buraxılıb. Bununla yanaşı, 200 ədəd Birinci gün zərfi də hazırlanıb.

Azvision.az



Teqlər: BMT   NRYTN  





Xəbər lenti