“Qarabağ Azərbaycana qaytarılmalıdır” - Möhsün Pakayin

  29 Sentyabr 2020    Oxunub : 4477
   “Qarabağ Azərbaycana qaytarılmalıdır” -    Möhsün Pakayin
Dağlıq Qarabağ nə müstəqi dövlət ola bilər, nə də Ermənistana biləşdirilə bilər.
Bunu İranın Azərbaycandakı keçmiş səfiri Möhsün Pakayin İRNA agentliyinə verdiyi müsahibəsində deyib. Onun sözlərinə görə, Dağlıq Qarabağın müstəqil olması və yaxud Ermənistana birləşdirilməsi regionun təhlükəsizliyi üçün təhdiddir.

Keçmiş səfir Ermənistan-Azərbaycan Dağlıq Qarabağ münaqişəsinin tarixinə toxunaraq qeyd edib ki, bu bölgədə azərbaycanlılarla yanaşı, ermənilər də yaşayıb. Lakin Dağlıq Qarabağ həmişə Azərbaycanın ərazisi olub.

M.Pakayin diqqətə çatdırıb ki, indiki münaqişənin əsası Sovet İttifaqı dövründə yaranıb və respublikalar müstəqillik əldə etdikdən sonra qızışdırılıb: "Dağlıq Qarabağ Azərbaycana qaytarılmalıdır. Lakin Ermənistan hakimiyyətdə olanlar münaqişədən siyasi məqsədləri üçün istifadə ediblər. Ermənistanda hakimiyyətdə olan qüvvələrin heç biri cəsarət edib bu torpaqların Azərbaycana qayıtmalı olduğunu dilə gətirə bilməyiblər. Onlar başa düşürlər ki, bu fikri ifadə etsələr hakimiyyəti itirəcəklər. Yəni hakimiyyətin opponentləri bundan istifadə edəcək. Bu fakt problemin uzanmasına səbəb olub".

Möhsün Pakayin hesab edir ki, sonda Dağlıq Qarabağ Azərbaycana qaytarılacaq.

Azvision.az

Teqlər: MöhsünPakayin