Bu uşaqların təhsil haqlarını dövlət ödəyəcək

  30 Sentyabr 2020    Oxunub : 1720
   Bu uşaqların təhsil haqlarını dövlət ödəyəcək
Milli Məclisin bu gün keçirilən plenar iclasında “Təhsil haqqında” qanuna dəyişiklik layihəsi müzakirəyə çıxarılıb.
Azvision.az xəbər verir ki, dəyişikliklə qanunun 14.8-1-ci maddəsinə əlavə edilir.

Qanunun hazırkı varinatına görə valideynlərini itirmiş və valideyn himayəsindən məhrum olmuş uşaqlar, habelə onların arasından olan şəxslər bütün tipdən olan dövlət təhsil müəssisələrində, müvafiq icra hakimiyyəti orqanının müəyyən etdiyi elmi təşkilatın magistratura səviyyəsində, habelə bələdiyyə və özəl ali, orta ixtisas və peşə təhsili müəssisələrində ödənişli əsaslarla təhsil aldıqları müddətdə təhsil haqqı dövlət büdcəsinin vəsaiti hesabına ödənilir.

Qanuna təklif olunan əlavə ilə isə valideynlərini itirmiş və valideyn himayəsindən məhrum olmuş uşaqlar övladlığa götürüldükdə də bu hüququ saxlayacaqlar..

Qanuna dəyişiklik layihəsi müzakirələrdən sonra I oxunuşda səsverməyə çıxarılaraq qəbul edilib.

Azvision.az

Teqlər: Təhsil   Qanun   Layihə