Düşmənin ələ keçirilmiş döyüş bayrağının görüntüləri - FOTOLAR

Düşmənin ələ keçirilmiş döyüş bayrağının görüntüləri -  FOTOLAR
  02 Oktyabr 2020    Oxunub:4746
İşğalçı Ermənistan silahlı qüvvələrinin bölmələri rəşadətli Azərbaycan Ordusunun sarsıdıcı zərbələri qarşısında duruş gətirməyək nəinki öz mövqelərini, hətta döyüş bayraqlarını də qoyub qaçır.
Ermənistan silahlı qüvvələrinin 193-cü desant həmlə taborunun hava endirim komanda birliyinin döyüş bayrağı ələ keçirilib.

Döyüş bayrağı hər bir hərbi hissənin şərəf və qeyrət rəmzidir. Bu bayraq aid olduğu hərbi hissə ilə birlikdə döyüş əməliyyatları bölgəsində olmalıdır. Hərbi hissənin bütün şəxsi heyəti döyüş bayrağını fədakarlıq və mərdliklə qorumalı, onun ələ keçirilməsinə yol verməməlidir. Döyüş bayrağı itirildikdə onun məxsus olduğu hərbi hissə ləğv edilməlidir.

Fotolardan da göründüyü kimi, düşmənin 193-cü desant həmlə taborunun hava endirim komanda birliyinin döyüş bayrağı cəsur Azərbaycan əsgərinin ayaqları altındadır. Bu fotolar bir daha sübut edir ki, əgər Ermənistan ordusu Azərbaycanın əbədi və əzəli torpaqlarından geri çəkilməsə, onun işğal olunmuş ərazilərimizdəki digər hərbi hissə və bölmələrini də eyni aqibət gözləyir.

Azvision.az düşmənin ələ keçirilən döyüş bayrağının fotolarını təqdim edir:






Azvision.az


Teqlər: Düşmən  





Xəbər lenti