İlham Əliyev: “Olmazın yalanlarını, iftiralarını uydururlar”
Erməni lobbisinin qara təbliğatından danışan dövlətimizin başçısı deyib: “Mən demişəm, dəlil verin, sübut verin, fakt verin. O cümlədən Fransa prezidentinə, - o mənə telefonla iki dəfə zəng etmişdi, - dedim ki, fakt verin. Sentyabrın 27-dən artıq 8 gün keçir. Makron heç nə demir, deyir ki, bizdə kəşfiyyat məlumatı var. Dedim verin bizə, haradadır bu kəşfiyyat məlumatı? Yoxdur bu, ola da bilməz”.
Prezident İlham Əliyev qeyd edib ki, bizdə Dağlıq Qarabağa terrorçuların gətirilib yetişdirilməsi, onlara təlim keçilməsi barədə əvvəldən kəşfiyyat məlumatı vardı. Dövlətimizin başçısı bu sırada PKK terror qruplaşmasının adını çəkərək deyib: “Bu barədə çoxlu məlumatlar var idi. Hələ bir neçə il bundan öncə biz bu məsələni beynəlxalq platformalarda qaldırırdıq. Onlar təlim alır və istisna edilmir ki, bu gün də var. Sadəcə olaraq, mənim əlimdə yüzdəyüz fakt olandan sonra bunu deyəcəyəm. Bu gün ehtimal çox böyükdür. Amma Ermənistandan və bəzi başqa ölkələrdən fərqli olaraq biz yüz faiz təsdiqini tapmamış məlumatı ortaya atmırıq”.
Azvision.az
Teqlər: Prezident İlham-Əliyev