Aprel döyüşlərinin qəhrəmanı düşmənin 17 texnikasını məhv edib

  05 Oktyabr 2020    Oxunub : 3712
    Aprel döyüşlərinin qəhrəmanı düşmənin 17 texnikasını məhv edib
2016-cı ilin Aprel döyüşlərində 6 tank məhv edərək “Azərbaycan Bayrağı” ordeninə layiq görülən gizir Tahir Misirxanov düşmən texnikasını bu gün də məhv etməkdə davam edir.
Müdafiə Nazirliyindən Azvision.az-a verilən məlumata görə, torpaqlarımızın işğaldan azad edilməsi uğrunda sentyabrın 27-dən başlayan əks-hücum əməliyyatında igidliklə vuruşan gizir T.Misirxanov şəxsi rəşadət göstərərək bugünədək düşmənin daha 11 zirehli texnikasını sıradan çıxarıb.

Azərbaycan Ordusunun qələbələrində payı olan, ümumilikdə 17 düşmən texnikasını məhv edən igid döyüşçümüz bundan qürur duyduğunu və ölkəmizin ərazi bütövlüyünün təmin olunması naminə sonadək döyüşəcəyini fəxrlə deyir.

Azvision.az

Teqlər: Gizir   Tahir-Misirxanov   Düşmən   Tank