“Ermənistan prezidentinin dedikləri tamamilə feykdir” - İlham Əliyev

  09 Oktyabr 2020    Oxunub : 1745
   “Ermənistan prezidentinin dedikləri tamamilə feykdir” -    İlham Əliyev
Mən təəssüf edirəm ki, belə mühüm vəzifə tutan şəxs (Ermənistan prezidenti –red.) yalanlar yayır. İnternetə baxın, XIX əsrin əvvəlində Azərbaycanın Qarabağ xanı ilə rus generalı arasında imzalanmış Kürəkçay sülh müqaviləsinə baxın. Orada erməni əhalisi haqqında heç bir şey deyilmir.
Azvision.az xəbər verir ki, Prezident İlham Əliyev bunu “CNN International” televiziyasına müsahibəsində Ermənistan prezidentinin bu telekanala söylədiyi yalanlar, feyk məlumatlar barədə danışarkən deyib.

Dövlətimizin başçısı sözünə davam edərək vurğulayıb: “Ermənilər bizim torpağımıza Rus-İran müharibələrindən sonra Rusiya imperiyası tərəfindən regionun dini tərkibini dəyişdirmək məqsədilə köçürülüb. Bu, tarixi faktdır. Ermənistan prezidentinin dedikləri isə tamamilə feykdir.

İnternetə baxın, sənədlərə baxın. Siz kimin doğru danışdığını və kimin yalan danışdığını görəcəksiniz”.

Azvision.az

Teqlər: İlham-Əliyev   Prezident