Düşmən yaşayış məntəqələrimizi atəşə tutub - Ölənlər var

  11 Oktyabr 2020    Oxunub : 3036
Düşmən yaşayış məntəqələrimizi atəşə tutub -  Ölənlər var
Humanitar atəşkəs rejiminə əməl etməyən Ermənistan silahlı qüvvələri döyüş əməliyyatları aparılan ərazidən xeyli aralıda yerləşən şəhər və kəndlərimizi raket və artilleriya atəşinə tutmaqda davam edir.
Müdafiə Nazirliyindən Azvision.az-a verilən məlumata görə, oktyabrın 10-u və 11-i tarixlərində, müxtəlif saatlarda Gəncə və Mingəçevir şəhərləri, Goranboy, Tərtər, Ağdam, Ağcabədi, Füzuli və Cəbrayıl rayonlarının kəndləri işğalçı ordu tərəfindən atəşə məruz qalıb. Nəticədə xeyli sayda dinc sakin həlak olub və yaralanıb, mülki infrastruktura ciddi ziyan dəyib.

Bölgədəki vəziyyətin gərginləşməsinə görə məsuliyyət tam şəkildə Ermənistanın siyasi və hərbi rəhbərliyinin üzərinə düşür.

Azvision.az

Teqlər: Müdafiə-Nazirliyi   Bəyanat