Semyon Beqovla Ovanesyan nəyi sübut etməyə çalışırlar?
Füzulidə 4 yolayrıcında olan qılınc əks olunan daş xaçkarın qarşısında aparıcı izah verir ki, Azərbaycan tərəfi guya Füzulinin aldığını deyir. Aparıcı sübut etmək istəyir ki, Füzuli Ermənistan işğalçı ordusunun nəzarəti altındadır. Əvvəla, Azərbaycan tərəfi rəsmi olaraq belə bir məlumat yaymayıb. İkincisi isə Füzuli ermənilərin nəzarəti altındadırsa niyə şəhər içində çəkiliş etmirlər? Naməlum ərazidə 2-3 dəqiqəlik çəkilişlə xaklar göstərərək Füzulidə olduqlarını demək qeyri-ciddi arqumentdir.
Yeri gəlmişkən, xaçkar məsələsi. Fakt-çekinq (araşdırma) texnolgoiyalarından ən sadəsini tətbiq edərək həmin xaçkarın əslində harada yerləşdiyini müəyyən etdik. Bəlli oldu ki, həmin xaçkardan Xocavəndin Marağa kəndində var. Amma çəkiliş dəqiq orada aparılmayıb. Növbəti yoxlamada həmin xaçkarın Dağlıq Qarabağ ərazisində deyil, Ermənistanın Artaşat şəhərindən şimal-qərbdə yerləşən Nor-Kyurin qəsəbəsində olduğunu müəyyən etdik. Həmin xaçkarın fotosunu 2017, 2019-cu illərdə paylaşan sosial şəbəkə istifadəçilərinin linklərini göstərməklə qərar verməyi oxucuların üzərinə buraxırıq.
https://www.facebook.com/350249462464149/posts/473415956814165/
https://gramho.com/media/2121417162312048236
Azvision.az
Teqlər: Qarabağ