İtaliya mətbuatı ermənilərin terror təhdidlərindən yazdı

  20 Oktyabr 2020    Oxunub : 1460
İtaliya mətbuatı ermənilərin terror təhdidlərindən yazdı
İtaliyanın “Giornale Diplomatico”, “KmetroO”, “Politicamente Corretto” xəbər saytları və “Agenzia Nova” informasiya agentliyi “Ermənistan tərəfindən azərbaycanlı diplomatlara qarşı terror təhdidləri” başlığı altında son günlər sosial şəbəkələrdə erməni istifadəçilər tərəfindən dünyanın müxtəlif ölkələrində fəaliyyət göstərən Azərbaycan və Türkiyə diplomatlarına qarşı həyati təhlükə xarakterli çağırışların yayılmasına dair məlumatlar dərc edib.
Azərbaycanın İtaliyadakı səfirliyindən Azvision.az -a bildirilib ki, məlumatlarda Azərbaycan Respublikasının Xarici İşlər Nazirliyinin Mətbuat xidməti idarəsinin rəisi Leyla Abdullayevanın açıqlaması əsasında bu addımın növbəti dəfə radikal erməni qüvvələrinin terrorçu xislətinin təzahürü olduğu bildirilir, bunun əyani sübutu kimi 12 iyul hadisələrindən sonra xarici ölkələrdəki radikal erməni qüvvələri tərəfindən yerli azərbaycanlı icma üzvlərinə, eləcə də diplomatlarımıza qarşı son dərəcə aqressiv əməllərin törədildiyi diqqətə çatdırılır.

Azvision.az

Teqlər: İtaliya   Mətbuat   Ermənistan