“Paşinyan bütün cəbhələrdə məğlubdur” - Rusiyalı ekspertlər

  07 Noyabr 2020    Oxunub : 11313
 “Paşinyan bütün cəbhələrdə məğlubdur” -  Rusiyalı ekspertlər
Dağlıq Qarabağdakı hərbi əməliyyatlar göstərir ki, Ermənistanın baş naziri Nikol Paşinyanın münaqişə başlayandan bəri atdığı bütün addımlar düşünülməmiş olub və şöhrət naminə həyata keçirilib.
Azvision.az xəbər verir ki, bu barədə Rusiyanın "yugsn.ru" nəşri yazıb.

Qeyd edilib ki, indi bu uğursuzluq Ermənistanın çoxlu sayda şəxsi heyət və texnika itirməsində, eləcə də Ermənistan qoşunlarının, həmçinin kəşfiyyatın bütün cəbhə boyu məğubiyyətində özünü göstərir.

Bundan əlavə, Ermənistanın hazırkı hökumətinin döyüş meydanında strategiyasının olmadığı açıq şəkildə ortadadır.

Məqalədə vurğulanıb ki, Paşinyan atəşkəsə razılaşmır, Rusiya Prezidenti Vladimir Putinlə görüşmək istəyir və KTMT-dəki bəzi müttəfiqlik öhdəliklərindən bəhs edərək kömək istəyir. Lakin baş nazir unudur ki, Rusiya Ermənistana yalnız bu ölkənin hücuma məruz qalacağı təqdirdə kömək edə bilər.

Nikol Paşinyan həm də cəbhədəki məğlubiyyətlərə səbəb olan daxili problemləri görmür.
Koronavirus pandemiyası səbəbindən ölkədə fəlakətli bir vəziyyət yaranıb.

Bundan əlavə, ekspertlər Paşinyanı siyasi iradə, güvən və səriştəsi olmayan həddindən artıq zəif idarəçi kimi də tanıyırlar.

Tarixçi-şərqşünas, politoloq, keçmiş hərbi komandir İqor Dimitryev Ermənistan baş naziri barədə bildirib ki, qələbədən sonra vəd etdiyi islahatları həyata keçirə bilmədi və Sorosun qrant yeyənləri ilə komandasını formalaşdırdı.

Beynəlxalq münaqişələr üzrə ekspert Yevgeni Mixaylov isə bildirib ki, əgər Ermənistanda çevriliş şəraiti yaransa, Paşinyanın qaçmağa yeri olmayacaq, erməni xalqı onu istənilən yerdə tapacaq:

"Ermənistanda ilk növbədə dövlət hakimiyyətinin dağılmasının pik həddə çatması tamamilə aydındır. Paşinyanın Soros rejimi siyasəti öz xalqı üçün yalnız bəlalar gətirdi. Paşinyan öz rusofobiyası ilə Moskvanı ölkədən uzaqlaşdırdı və indi İrəvan öz şovinizminin bəhrəsini görür”.

Ekspert onu da vurğulayıb ki, İrəvan bu gün bütün cəbhələrdə tam fiaskoya uğrayır və getdikcə vəziyyəti daha da pis olacaq.

Pərvanə Sultanova
Azvision.az

Teqlər: NikolPaşinyan   Qarabağ   Ermənistan