Azvision.az xəbər verir ki, bunu Azərbaycan Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev deyib.

Ermənistanın bəyanatda göstərilən rayonları təhvil verməsi işlərinin davam etdiyini bildirən Hikmət Hacıyev qeyd edib: “Bəyanatın tələblərindən biri ermənilərin noyabrın 15-dək Kəlbəcəri təhvil verməsi idi. Lakin Ermənistan tərəfi Rusiya vasitəsilə bu vaxtın uzadılması üçün müraciət edib. Hava şəraiti çətinləşir, o istiqamətdən yalnız bir yol var və yolun ötürücülük qabiliyyəti aşağıdır. Azərbaycan bunu nəzərə alaraq, humanistlik nümayiş etdirib və Kəlbəcərin təhvil verilməsinin noyabrın 25-dək uzadılmasına razılıq verib. Öhdəliklər qüvvədə qalır, vaxtın uzadılması ilə bağlı xüsusi bəyanat imzalanmasına ehtiyac yoxdur”

Prezidentin köməkçisi əlavə edib ki, noyabrın 20-də Ağdamın, dekabrın 1-dək isə Laçının Azərbaycan silahlı qüvvələrinə təhvil verilməsi nəzərdə tutulur.

Azvision.az