Qəzaya düşən Milli Qəhrəman dünyasını dəyişdi
Qeyd edək ki, ağır qəza keçirən Milli Qəhrəman Gəncə Beynəlxalq Xəstəxanasında müalicə olunurdu. O, süni tənəffüs aparatına qoşulmuşdu.
Məhəmməd Həsənov 9 avqust 1959-cu ildə Goranboy rayonunun Qarasüleymanlı kəndində doğulub. Məhəmməd Həsənovun döyüş yolu Mənəşli, Erkəç, Qaraçinar, Talış kəndlərindən keçib. Batalyon komandiri və döyüşçü kimi Goranboy rayonunun Ağcakənd bölgəsinin və keçmiş Ağdərə rayonunun erməni işğalçılarından azad olunmasında böyük rol oynayıb. 1992-ci il könüllü batalyonlar ləğv edildikdən sonra M.Həsənov "N" saylı hərbi hissədə xidmətini davam etdirib. O, polkovnik-leytenant rütbəsinəcən yüksəlmişdi.
2002-ci ildən Goranboy rayonunun Veyisli kənd orta məktəbində işləyib. Son vaxtlar təhsil aldığı 3 saylı tam orta məktəbdə direktor vəzifəsində çalışırdı.
Azvision.az
Teqlər: Milli-Qəhrəman Vəfat Qəza