“Vətən Müharibəsi Qəhrəmanı” adı təsis edilib - Prezident təsdiqlədi

  01 Dekabr 2020    Oxunub : 1949
 “Vətən Müharibəsi Qəhrəmanı” adı təsis edilib  -  Prezident təsdiqlədi
Prezidenti İlham Əliyev Azərbaycan Respublikasının “Vətən Müharibəsi Qəhrəmanı” adının təsis edilməsi haqqında Qanunu imzalayıb.
Azvision.az xəbər verir ki, Milli Məclis Azərbaycan Respublikası Konstitusiyasının 94-cü maddəsinin I hissəsinin 9-cu bəndini rəhbər tutaraq, Azərbaycan Respublikasının “Vətən Müharibəsi Qəhrəmanı” adını təsis edib. “Vətən Müharibəsi Qəhrəmanı” adı haqqında Əsasnamə” təsdiq olunub.

“Vətən Müharibəsi Qəhrəmanı” adı Azərbaycan Respublikasının işğal olunmuş ərazilərinin azad olunması zamanı düşmənin əlverişli ərazilərdə yerləşməsinə və inadlı müqavimətinə baxmayaraq, düşmən qüvvələrinin tam məğlub edilməsi üzrə qarşıya qoyulmuş döyüş tapşırıqlarına və Azərbaycan Respublikasının dövlət sərhədinin bərpa edilməsi üzrə döyüş əməliyyatlarına yüksək peşəkarlıqla rəhbərlik edilməsinə, həmçinin döyüş əməliyyatlarında göstərdiyi şəxsi qəhrəmanlığa görə verilir.



Azvision.az

Teqlər: Prezident   İlham-Əliyev