Mingəçevirdə koronavirus xəstələri saxlanılıb

Mingəçevirdə koronavirus xəstələri saxlanılıb
  02 Dekabr 2020    Oxunub:1026
Mingəçevir şəhərinin girişində qurulan karantin postunda xidmət aparan polis əməkdaşları şəhərə daxil olmağa çalışan aktiv koronavirus xəstələri aşkarlayıblar.
Daxili İşlər Nazirliyinin mətbuat xidmətinin Şəki regional qrupundan Azvision.az -a bildiriblər ki, COVID-19 testlərinin nəticəsi pozitiv olduğuna görə ev şəraitində müalicə təyin olunan Ağdam rayon sakini Şahlar Yaqubov, Ağdaş rayon sakini Kəmalə Əhmədzadə və Bərdə rayonu sakini Xalid Məmmədov qaydaları pozaraq yaşadıqları ünvanları tərk etdikləri müəyyənləşdirilib. Onlar Mingəçevir şəhəri ərazisinə daxil olmaq istəyərkən polis əməkdaşları tərəfindən saxlanılıblar. Əraziyə həkim briqadası dəvət olunub və həmin şəxslər yaşadıqları rayonlarda qeydiyyatda olduqları ünvanlara geri göndəriliblər.

Faktlarla bağlı Mingəçevir Şəhər Polis Şöbəsinin istintaq bölməsində araşdırma aparılır.





Azvision.az



Teqlər: DİN   Koronavirus   Xəstə  





Xəbər lenti