Koronavirusa yoluxanların sayı 109 milyonu ötdü

  14 Fevral 2021    Oxunub : 3248
 Koronavirusa yoluxanların sayı 109 milyonu ötdü
Dünyada yeni növ koronavirus (COVID-19) infeksiyasına yoluxanların sayı artmaqda davam edir.

Azvision.az Worldometers saytına istinadən xəbər verir ki, dünya ölkələri üzrə yoluxma sayı 109 milyon 106 min 464 nəfərə çatıb.
Hazırda pandemiya qurbanlarının sayı 2 milyon 405 min 463 nəfərdir. İndiyədək 81 milyon 130 min 802 infeksiya daşıyıcısı xəstəlikdən sağalıb.

Ümumdünya Səhiyyə Təşkilatının (ÜST) yaydığı məlumata əsasən, ötən sutka 410 min 876 nəfər koronavirusa yoluxub, 12 min 958 pasiyent dünyasını dəyişib.

Xatırladaq ki, koronavirus 2019-cu ilin dekabrında Çinin Uhan şəhərində yayılmağa başlayıb. COVID-19 virusu 218 ölkədə qeydə alınıb.

Azvision.az

Teqlər: Koronavirus   Pandemiya