Faiq Ağayevdən çağırış: “Peyvənd olunub, salamat yaşayın”

    Faiq Ağayevdən çağırış: “Peyvənd olunub, salamat yaşayın”
  16 Fevral 2021    Oxunub:2195
Xalq artisti Faiq Ağayev yaxın günlərdə koronavirus əleyhinə vaksin vurduracağını bildirib.

Azvision.az xəbər verir ki, tanınmış müğənni bununla bağlı sosial şəbəkə hesabında paylaşım edərək vətəndaşları vaksinasiya prosesində aktiv iştirak etməyə çağırıb:
“Hamı normal həyata qayıtmaq istəyir. Uşaq bağçaları, məktəblər, ali təhsil ocaqları açıldıqca, ümid yaranır ki, tez bir zamanda digər məhdudiyyətlər də aradan qaldırılacaq. Bu dəfə hər şey artıq özümüzdən asılıdır. Arzumuza çatmaq, səhhətimizi qorumaq üçün peyvənd olunmaq gərəkdir.

Yaxın günlərdə "Sinovac"la peyvəndlənmək üçün mütləq həkimlərə üz tutacağam. Bununla həm özümü, həm də ətrafdakıları yoluxmadan qoruyacağam. Siz də özünüz, sevdikləriniz, xalqımızın ümumi sağlam gələcəyi naminə canınızın qədrinə qalın, lütfən. Peyvənd olunub, salamat yaşayın, əzizlərim!”.

Azvision.az



Teqlər: Faiq-Ağayev   Peyvənd  





Xəbər lenti