Xocalı faciəsinin ildönümünə hazırlıq gedir - FOTOREPORTAJ

  22 Fevral 2021    Oxunub : 3051
Xocalı faciəsinin ildönümünə hazırlıq gedir -  FOTOREPORTAJ
Xocalı faciəsinin 29-cu ildönümü ilə əlaqədar paytaxtın Xətai rayonu ərazisindəki “Ana harayı” abidəsinin yerləşdiyi parkda hazırlıq işləri aparılır.

Azvision.az xəbər verir ki, yaxınlıqdakı yaşayış binaları və obyektlərin fasadlarına Xocalı faciəsini əks etdirən bannerlər quraşdırılır.
Bununla yanaşı, anım günündə ziyarətçilərin gediş-gəlişini təmin etmək məqsədilə parkın ətrafında abadlıq işləri görülür.

Bakı Şəhər İcra Hakimiyyətinin başçısı Eldar Əzizov əraziyə baş çəkərək görülən işlərlə tanış olub, müvafiq tapşırıqlar verib.

Qeyd edək ki, Azərbaycan xalqının qan yaddaşı olan Xocalı soyqırımına həsr olunan “Ana harayı” abidə kompleksi 1993-cü ildə inşa edilib. Hər il fevralın 26-da Xocalı soyqırımının ildönümü ilə əlaqədar abidəni minlərlə insan ziyarət edir.



































Foto: Şahin Sərdarov
Azvision.az

Teqlər: Xocalı