Vətən müharibəsi iştirakçısına vəzifə verildi - FOTO
Qeyd edək ki, Nurlan Muradov 1996-cı ildə Masallı rayon Köhnə Zuvand kəndində anadan olub. 2003-2011-cı illərdə Köhnə Zuvand kənd orta məktəbində təhsil alıb, 2011-2013-cü illərdə təhsilini Yeni Zuvand tam orta məktəbində davam etdirib. 2013-2017-ci illərdə Sumqayıt Dövlət Universitetinin Fizika və Elektroenergetika fakültəsini bakalavr dərəcəsi üzrə bitirib. 2017-ci ildə həqiqi hərbi xidmətə gedib, 2018-2020-ci illərdə leytenant kimi Azərbaycan Respublikası Silahlı Qüvvələrinin “N” saylı hərbi hissəsində hərbi xidmətini davam etdirib.
Əmək fəaliyyətinə 2020-ci ildə Masallı rayon Heydər Əliyev Mərkəzində İstilik Sistemləri üzrə Mühəndis kimi başlayıb. 27 sentyabr 2020-ci il tarixdə Azərbaycan Respublikasının ərazi bütövlüyünün təmin olunması uğrunda başlanan Vətən müharibəsi zamanı cəbhənin Cəbrayıl-Qubadlı istiqamələrində gedən döyüşlərdə şücaətlə iştirak edib. Azərbaycan Respublikası Prezidentinin 29.12.2020-ci il tarixli sərəncamı ilə leytenant Nurlan Şaiq oğlu Muradov “Cəbrayılın azad olunmasına görə” və “Qubadlının azad olunmasına görə” medalları ilə təltif olunub. Subaydır.
Azvision.az
Teqlər: Müharibə Veteran Vəzifə