“Növbədənkənar parlament seçkiləri keçirilməyəcək” - Qaribaşvili

  29 Mart 2021    Oxunub : 811
 “Növbədənkənar parlament seçkiləri keçirilməyəcək” -  Qaribaşvili
Gürcüstan hökuməti müxalifətin tələb etdiyi kimi erkən parlament seçkiləri keçirmək niyyətində deyil. Çünki 2020-ci ilin payızında keçirilən səsvermə qanuni sayıldı.
Azvision.az xəbər verir ki, bu barədə Gürcüstanın baş naziri İrakli Qaribaşvili siyasi böhrandan çıxmaq üçün müxalifətlə aparılan danışıqları şərh edərkən deyib.

"Növbədənkənar parlament seçkiləri keçirilməyəcək. Bu barədə danışmağı bitirdik. Avropa İttifaqı, ABŞ Dövlət Departamenti, Senat, ATƏT/DTİHB və bütün dünya seçkilərin legitimliyini qəbul etdi və bizi təbrik etdilər. Siz hansı seçkilərdən danışırsınız?", - deyə Qaribaşvili vurğulayıb.

Pərvanə Sultanova
Azvision.az

Teqlər: İrakliQaribaşvili