Bəzi xarici universitetlərin diplomları niyə tanınmır? - RƏSMİ

  30 Mart 2021    Oxunub : 1293
Bəzi xarici universitetlərin diplomları niyə tanınmır? -   RƏSMİ
Xarici diplomların tanınması barədə mənfi qərarların səbəbləri açıqlanıb.
Təhsil Nazirliyindən Azvision.az -a verilən məlumata görə, Təhsildə Keyfiyyət Təminatı Agentliyində xarici ali təhsilə aid kvalifikasiyaların tanınması üzrə müraciət edən ərizəçilər barədə mənfi qərarların səbəbləri arasında aşağıda qeyd edilən iki göstərici üstünlük təşkil edib:

1. Tələbənin təhsil səviyyəsi və forması üzrə ali təhsil müəssisəsində tələb olunan müddətdən az olması;

2. Təhsilin məzmununu mənimsəmək üçün tələb olunan minimal dil biliklərinin olmaması.

Qeyd edək ki, 2017-ci ildən etibarən verilən imtinaların 25 faizi ümumilikdə 10 ali təhsil müəssisəsini əhatə edir.

Həmin ali təhsil müəssisələri tələbələr ali təhsil standartlarına cavab vermədiyi, təhsil müəssisəsində tələb olunan müddətdən dəfələrlə az iştirak etdiyi və təhsil aldığı dildə sadə ünsiyyət belə qura bilmədiyi hallarda da məzunlara diplom təqdim edir. Bu səbəbdən Təhsildə Keyfiyyət Təminatı Agentliyi vətəndaşları seçim edərkən daha da diqqətli olmağa çağırır.

Azvision.az

Teqlər: Təhsil   Diplom