“Çavuşoğlu yunan nazirə həddini bildirdi” - Ərdoğan

“Çavuşoğlu yunan nazirə həddini bildirdi” -  Ərdoğan
  16 Aprel 2021    Oxunub:3031
Yunanıstanın xarici işlər naziri Nikos Dendasi nazirimiz Mövlud Çavuşoğlu ilə görüşdən əvvəl qəbul etdim. Görüşümüz isti atmosferdə keçdi.
Azvision.az xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında deyib.

Ərdoğan bildirib ki, Dendas sonra fərqli bir nöqtəyə gəldi. Çavuşoğlu ona həddini bildirdi. Lazımi qiymətləndirməni etməklə işi bitirmiş oldular. Türkiyə ilə Yunanıstan arasına digərlərini qatmayaq.

"Cənab Patriarxla görüşləriniz oldu, bunlar bizim üçün müsbət yanaşmalardır. Yunanıstandakı 150 min vətəndaşımıza lazımi diqqəti göstərmirsiniz. Baş müftini özünüz təyin edirsiniz. Lozannaya görə buna haqqınız yoxdur.

İndi Sensinot məclisi patriarxı seçir. Müftini də bizim oradakı imamlarımız seçməlidir. Sanki öz din adamları kimi təyinat etmək istəyirlər. Bunun düzəldilməsi lazımdır. Heç bir nəticə əldə etmədik. Təəssüf ki, bunların belə bir istəyi yoxdur".

Qeyd edək ki, dünən Ankarada keçirilən mətbuat konfransında yunan nazir “əgər Türkiyə Yunanıstanın suverenliyini pozmağa davam edərsə, bizim ittihamlarımız təkrar gündəmə gələcək" deyib. Onun bu açıqlaması Mövlud Çavuşoğlunun etirazına səbəb olub.

Pərvanə Sultanova
Azvision.az


Teqlər: RəcəbTayyibƏrdoğan  





Xəbər lenti