“Ermənilər xristian abidələrinə qarşı da vandallıq edib” - Komitə sədri
Bildirilib ki, ümummilli lider Heydər Əliyevin dövlət-din münasibətləri sahəsində bünövrəsini qoyduğu siyasət onun layiqli siyasi varisi Prezident İlham Əliyev tərəfindən uğurla davam etdirilir. Xalqımız bu gün dünya miqyasında demokratik dəyər kimi təbliğ olunan tolerantlığa təkcə hüquq yox, həm də mənəvi dəyər prizmasından yanaşır. Azərbaycanda dinindən və milli mənsubiyyətindən asılı olmayaraq, hər kəsin hüquqları qanunla qorunur.
Azərbaycanda müxtəlif dini konfessiya nümayəndələrinin etnik-mədəni özünəməxsusluğunun qorunub-saxlanılması üçün hərtərəfli hüquqi-demokratik şərait yaradıldığını qeyd edən DQİDK sədri ölkəmizdə 2250 məscid, 16 kilsə, 7 sinaqoq, Zərdüştlük dininə aid Atəşgah məbədi və müxtəlif dinlərə məxsus ibadət yerlərinin olduğunu, 37-si qeyri-İslam olmaqla, 970 dini icmanın dövlət qeydiyyatına alındığını diqqətə çatdırıb. Vurğulayıb ki, hər il dövlətimizin başçısı tərəfindən dini konfessiyalara maliyyə yardımı ayrılır və bu vəsait hesabına ölkədə dini maarifləndirmə, milli-mənəvi dəyərlərin təbliği işi daha da gücləndirilir, dini icmalar tərəfindən müxtəlif layihələr həyata keçirilir.
Müsahibə zamanı ermənilərin Azərbaycanın tarixi və əzəli torpaqlarındakı tarixi-dini abidələrə qarşı vəhşi münasibətinə, Qafqaz Albaniyasına aid tarixi abidələrin saxtalaşdırılması siyasətinə də toxunan Mübariz Qurbanlı diqqətə çatdırıb ki, ölkəmizin mədəni irsini qəsdən hədəfə alan, onu özününküləşdirən ermənilər vaxtilə işğalda olmuş bölgələrdə təkcə İslam deyil, həm də xristian abidələrinə qarşı vandallıq edib.
Sonda qonağa DQİDK-nın ölkəmizdəki dini tolerantlıq mühiti və maddi-mədəni irsimizə qarşı törədilən erməni vandalizmi haqqında ingilis dilində nəşr etdirdiyi kitablar təqdim olunub.
Qeyd edək ki, böyük izləyici kütləsinə malik “canal a” televiziyasında əsasən mədəniyyət sahəsinə aid verilişlər yayımlanır.
Azvision.az
Teqlər: