“Regional dialoqa hazırıq” - Paşinyandan təzadlı çıxış
Paşinyanın qondarma soyqırımı haqqında anormal çağırışları sonda dialoqa hazır olması ilə yekunlaşıb.
"Lakin bu heç bir şəkildə regional dialoqun rədd edilməsi kimi yozula bilməz. Biz buna hazırıq. Ancaq dialoq güc mövqeyindən aparıla bilməz. Bu, yalnız bərabərlik prinsipi ilə baş verə bilər. "Erməni soyqırımı"nın varlığına heç vaxt şübhə etməyəcəyik",- deyə baş nazir bildirib.
Paşinyan ən böyük tarixi yalan olan “erməni soyqırımı”nın niyə əvvəllər deyil, məhz 1915-ci il hadisələrindən xeyli sonra dünyada təbliğinin aparılmasına da düz-əməlli izahat verə bilməyib:
“Erməni diasporası, II Dünya Müharibəsindən sonrakı onilliklərdə “soyqırımı”nın tanınmasını elan edə bildi. Lakin dünyanın iki qütblü olduğu bir dövrdə pantürkizm tarixi bir keçmiş olaraq qəbul edildi. “Erməni soyqırımı”, onu doğuran ideologiya cəzasız qaldı”.
Təzadlı görünsə də, bu gün faşist ideyalarını yaşadan, Njde kimi faşistə heykəllər ucaldan, Azərbaycan və Türkiyənin bayraqlarını yandıran erməni cəmiyyəti, onun lideri türklərin keçmiş ideologiyalarını tənqid edir, eyni zamanda bərabərhüquqlu dialoqa hazır olduğunu açıqlayır.
Tural Tağıyev
Azvision.az