“Rəqəmlər istək və potensialımızı tam əks etdirmir” - Ceyhun Bayramov

  30 Aprel 2021    Oxunub : 1633
 “Rəqəmlər istək və potensialımızı tam əks etdirmir” -  Ceyhun Bayramov
Azərbaycanla Litva arasında ikitərəfli və çoxtərəfli əsasda münasibətlər müzakirə edildi, siyasi dialoqun davam etməsinin vacibliyi vurğulandı.
Azvision.az xəbər verir ki, bunu Azərbaycanın xarici işlər naziri Ceyhun Bayramov Bakıda litvalı həmkarı ilə keçidiyi mətbuat konfransında deyib.

XİN rəhbəri bildirib ki, iki ölkənin iqtisadi sahədə münasibərlərinə xüsusi diqqət yetirilib: "Azərbaycan Cənubi Qafqazda Litvanın ən böyük ticarət tərəfdaşıdır. 2020-ci ildə ticarət dövriyyəsi 2019-cu ilə nisbətən 13 faiz artıb. Amma rəqəmlər istək və potensialımızı tam əks etdirmir. Bu sahədə daha böyük potensial var. Əlavə imkanlar, o cümlədən kənd təsərrüfatı, qida sənayesi, alternativ enerji ilə bağlı sahələrdə əməkdaşlığa diqqət yetilidi".

Qeyd edək ki, bu gün Bakıda Azərbaycanın xarici işlər naziri Ceyhun Bayramovla litvalı həmkarı Gabrielius Landsbergis arasında görüş keçirilib.

Pərvanə Sultanova
Azvision.az

Teqlər: Ceyhun-Bayramov